اسسٹنٹ کمشنر ماتلی ڈاکٹر راشد علی چنا نے مختیارکار ماتلی معصیب جونیجو کے ہمراہ حالیہ بارشوں کے پیش نظر شہر کے مختلف ڈسپوزل اسٹیشنوں کا دورہ

ماتلی: اسسٹنٹ کمشنر ماتلی ڈاکٹر راشد علی چنا نے مختیارکار ماتلی معصیب جونیجو کے ہمراہ حالیہ بارشوں کے پیش نظر شہر کے مختلف ڈسپوزل اسٹیشنوں کا دورہ کیا۔دورے کے دوران اسسٹنٹ کمشنر نے نکاسی آب کے انتظامات، ڈسپوزل مشینری کی فعالیت اور عملے کی موجودگی کا جائزہ لیا۔ انہوں نے متعلقہ حکام کو ہدایت کی کہ بارش کے دوران شہری علاقوں سے بارش کے پانی کی بروقت نکاسی کو یقینی بنایا جائے تاکہ عوام کو کسی قسم کی پریشانی کا سامنا نہ کرنا پڑے۔اس موقع پر میونسپل کمیٹی ماتلی کے چیف آفیسر عتیق الرحمن قائمخانی نے اسسٹنٹ کمشنر کو ڈسپوزل اسٹیشنوں کی کارکردگی اور جاری انتظامات کے بارے میں بریفنگ بھی دی۔